* My spase *

موضوع: *** My spase *** الخميس أبريل 02, 2009 5:39 am

.
.
.
.

،،، مصافحة أولى ،،،

** هنا راح أتواجد بكل حالاتي
وبكل أجوائي **

ألا ياقلب لاتحزن

كلمات تفاؤلية تشعرك بالسعادة

موضوع: رد: *** My spase *** الخميس أبريل 02, 2009 6:22 am

$$ اكتب على صفحة قلبك:
أن كل يوم هو أفضل يوم في السنة $$

اسمي: آخر العنقود
ميلادي: 1986 م

حياتي الإجتماعية
عندي 6 اخوات و4 اخوان
وانا اصغرهم

حالتي النفسية
نفسيتي الحمدلله حلوة ،، ولاني من النوع المزاجي
بس إني بسرعة أتنرفز
اذا حبيت حبيت سواءً هاللي حبيته شئ أو شخص أو شخصه_
وممكن أتنازل عن أشياء كثيرة عشان هاللي حبيته
مثلاً: واحد من أخواني مرره أحبه فعشان كذا ماأشوف أخطاءه وممكن يسوي لي نفس الخطأ أخوي الثاني بس ماأمشيها عليه
ونفس الشئ أحب اختي الوردة أكثر شئ ولو تبي اللي تبي ماأردها بس غيرها فيه تفكير
وهيكي.. يعني ماعندي عدل ،، قلبي يحكمني
اذا تنرفزت وحسست اللي عندي اني معصبة يضيق صدري وألوووم نفسي بس مايفيد فيني _
اذا عصبت مره ثانيه انسى
قدام الناس قويــــــــــــــه ودايماً أنحط بوجه المدفع،،و مو اي شئ ينزل دمووعي _بس قدام اخواني _اذا النقاش كان عني_ ع طووول تنزل دموعي
مدري ليــــــــــــــــــــــــــش
وهالشئ جداً مأزمني،،والمشكلة انهم يدرون اني منب سهله في كل المواقف وكل النقاشات

أحب الشعــــــــــــــــــــــر العامي وأكتب كتابات بس جداً بسيطة _
مانميت هالشئ عندي مع إن أول كتاباتي كانت بأولى ثانوي بس إلى الان ماتغير شئ

هذا اللي اتذكره عن نفسي حالياً

موضوع: رد: *** My spase *** الخميس أبريل 02, 2009 7:12 am

أمس الثلاثاء
كااااان يوم شااااااق
قمت الصباح ومريت ريمي وكان الوقت بدري فمرينا وخذنا لنا فطور وأفطرنا بالسيارة

وصلنا للكلية سوينا لنا شاهي عشان يهضم شووي
بعدين جلست أحضر المحاضرة وأقرا فيها
الساعه 11 إلا عشر خذت أغراضي ورحت
فتحت القاعة وألقى بنات وأستاذتهم ومالهم نية يطلعوون
أنا كذا
ولقيت بناتي عند باب القاعه جالسين ،، قلت لوحده منهم اذا طلعت تعالي المكتب ناديني
**اروح قبل 10 دقايق عشان اجهز البروجكتر ونبدأ بدري ونطلع بدرري**
جت 11 بالتمام ومااحد جاني وارووح انا واغراضي مره ثانيه والقى بناتي واااااقفين عند باب القاعه
دخلت عليهم لقيت استاذة مصريه
قالت: لسى ماخلصنااااش
قلت : عندي محاضرة الحين وبناتي كلهم براا
قالت : اوكي سانيه وحده
طلعت برا وقعدت اكتب اسم الماده ووقتها واسمي ع الجدول اللي ع باب القاعه عشان مره ثانيه تحسب حسابنا
شووي وطلعووا
بديت شررح ،، وكان فيه نقطة عن كيف نميز بين السلوك السوي والشاذ
واحد من المعايير(معيار ذاتي)يعني شعور الفرد او عدم شعوره بالرضا عن سلوكه
وهالمعيار عليه عيوب:
اهمها: ان الفرد احيانا يسوي سلوك خاطئ ويقول عاادي مافيها شئ
ضربت مثال: البنت اللي تضيف عندها عيال بالمسن وكيف انها بداية النهاية ومن هالحكي
بس يــــــــــــــــــــا إنهم مررررررررره خشوا جو ومرررررررررررررره انبسطوا
و خذتنا السوالف شوي وانتبهت للساعه كانت 12 وثلث
ماعاد بقى وقت طويل ومابعد بدينا عملي
واسرعت شوي وبدأ العملي
والله ياإنهم هبلوووووووني ..
استاذه وشلون؟
استاذة تعالي شوفي صح والا لا..
استاذة يعني نسوي كذا وكذا؟
آآآآآآآآآآآآآآآه تعبووني
بس الحمدلله حسيت انهم فاهمين بعد ماخلصنا وجمعت الملفات
خلصت تقريباً ع 1 وربع
طلعوا البنات وانا ع بال مااجمع اغراضي واجاوب ع اسئلة البنات وارتب ملفاتهم ماطلعت من القاعه الا 1 ونص
رحت والقى ريمي لحالها بالمكتب ومرررررررررره طفشانه _ مع ان معها لاب توبها وكونكت _ بس تقوول مره طفشت
ياااااعمري شكلها كئيب..
خذت عبايتي وقاعده البسها وهي تتأمل فيني
قلت : هيـــه خير؟
قالت: عنقوده تكفين اجلسي ارتاحي شوي شكلك مررررررره مرهقه
هي قالته والا ماقالته ،، واجلس واحط راسي ع المكتب
راحت جابت لي مويه وفليك
لبى قلبها وروحها
شربت المويه وطلعنا
رجعت البيت نمــــــــــــــــت نوووووومه من قلب
قمت المغرب
فخووذي وظهري ألم فظيــــــــع
ومالي خلق احد
بس غصب عني رحت مع أمي لخوالي بس ماطولنا
والى اليوم وانا احس بالالام >>من قوة الحيل والله
عقبها دريت اني خرااااااااط وقررت اشرب كل يوم لبن أو حليب
[b]

موضوع: رد: *** My spase *** الخميس أبريل 02, 2009 7:25 am

اليوم يوم عادي جداً
رحت الدوام الساعه 11
ورجعت أذان العصر
رجعت مصحصحة مافيني نووم ..
وانا تابعت قريز اناتومي الى السيزون 5 حلقة 11 ووقفت مع بداية هالترم
والحلقات تحملها ريمي وتحطها لي بالهارديسك بس مافضيت اشوفهم
اليوم .. قعدت العصر والمغرب عليهم
شفت 12 13 14 ووقفت
جتنا جدتي واخواني ونزلت

والحين فيني نوووووم اليم
بس قلت خلاص منزله سبيسي منزلته

عدد المساهمات : 171 تاريخ التسجيل : 18/03/2009

طيب ممكن نرد عليك بسبيسكـ

اولاً : شكــرا كثيراً على الانشوده .. يعطيكـ العافيه ..

ثانياً : اليوم الاول قلتي سوينا لنا شاهي عشان يهضم شوي ،، خخخخخخخخخخخ هو انتووو اكلتوو شيء حتى يهضم ،، تراا الفطور الواحد ياكله عشان يصحصك ويتنشط موب عشان يهضم tongue

ثالثا: انا اكبر منكـ بسنتين king

يعني لازم تحترميني لاني انا الكبير والعاقل واعرف مصلحتكـ .. (( على طاري اعرف مصلحتكـ خخخخخخخخخ مره واحد من الشباب ركب سيارة اخوه الجديده ،، وقال بيجربها ،، وجلس يسرع فيها ويفحط والسياره توها جديده .. واخوه متقطع قلبه ،،ويقول له حرام عليك السياره توها جديده .. راح در عليه وقال: اسكت ياولد . انا اخوك الكبير واعرف مصلحتكـ هههههههههههههههههههههه afro

))

رابعــاً : وشووو هالمسلسل اللي تتابعينه ؟؟ تراا من زمان عن الافلاام والمسلسلات ،، ماشفت الا برزن بريكـ ولوست .. فقط لاغير ..

خامسـاً : حلوه بداية النهايه .. اعجبتني كتير ..

سادساُ : وش تخصصكـ ؟؟

سابعاً: شكراً لكـ ،، وسجلي اسمي من المتابعين ...

^_^

موضوع: رد: *** My spase *** الجمعة أبريل 03, 2009 12:38 am

.
.

الله الله يا عنقوده
شو هالزين يخزي العين

ماشاءالله والله لك خلق تحكين ذا كله << براااااااا
ههههههه سوري ما أقصد أحطمك بس قياساً ع نفسي

والله يوميات حلووه
بس تكفين لآ تقتصرينها ع الجامعه و الدوام و القرررف
أحكي شئ فيها مغامرات هبال من هيك

لأنهو نبي شئ نوسع صدورنا عليه

و بدآيه قميله قداً
و من شان هيك بفتح قسم لليوميات لخآطر عينيك

تسلمين كاثيراً
و ننتظر البقيه بشغف

موضوع: رد: *** My spase *** الجمعة أبريل 03, 2009 10:41 am

امب

ايــــــــــــه عادي بل مستحب..
اجل احاكي روحي انا؟
العفوو ..
بس الفطور كان دسم شويات ..وهو من باب التهضيم +الصحصحه
اجل اكبر بسنتين .. وانا اقول وراي احسني ان معنا شايب اثرها ريحتك
مسلسل غرايز اناتومي(تشريح غراي)مسلسل طبي حلوو بس بدا يمصل زي برزن بريك لما مصلوا آخر سسيزون
فعلا هي بداية النهاية. حتى البنات يوم قلت هالجملة وسكت شوي .. عيونهم طلعت ..حسيتني قايله شئ جديد
تخصصي تربية خاصة ومادتي تعديل السلوك الانساني
اذا عندك سلوكيات مضايقتك مستعدين للتعديل
. الشكر لك .. وتشرفني هالمتابعه

وجود
الله مير يسلمتس
الزين والله ذوقك
انتي اكبر عجازه والا مو شئ صعب
ان جاء بيومي مغامرات كتبتها وان كانت قرف بكتبه ،، معليش تحملوني
ياااااااااااااعومري انتي .. تسلمين لي ياقلبووو...
ودي انزل موضع كامل اشكرك فيه .. بس ماابي اخرب القسم

موضوع: رد: *** My spase *** الجمعة أبريل 03, 2009 10:53 am

.
.

خطاي إني سألت ،، وجيت أدور للغياب أسباب
خطاي إني تعلمت الوفاء ،، والنــــاس كذابة
حســايف يازمان ،، ماعاد باقي أصحـــاب
على حسب المصالح ،، كل واحد يحسب حسابه

موضوع: رد: *** My spase *** السبت أبريل 04, 2009 4:14 am

.
.
.
ألف مبرووك هالأمطار والرحمات

اليوم طبعاً يوم مميـــــــز بأجواءه ،، وطبيعي إن نفسيتي مع هالزين بتصير أحسن شئ
قمت الظهر ..صليــت ..قالت لي أمي: إن أخوك بيجي وبأروح معه للبر
طلعت للحوش وشفت الجووو الزين والأمطار ..
قعدت أستنشق هالهواء من قلــــــــــــب ..وبعمق
طلعت غرفتي .. وجلست أرتبها
شوي ووصل أخوي وعياله
وطلع لي ولده اللي بالثانوي .. قال: خير مالك نية تروحين معنا؟
قلت لا والله .. قال : والله مـــــــــالك داعي بتروحين غصب ..
الأجواء حلوة ماتحتاج أحد يلزم وإلا؟
رحت معهم
تمشينا .. وطبعاً طووووول الطريق والدنيا أمطار وبركة..
قررنا نروح للمزرعة ..
وصلنا وكان الجو أطلق شئ
مطـــــــــــــــــــــــــــر غزيــــــــــــــــــــــــــر يوسع الصدر يخلي الواحد يطامر ويصارخ غصبن عنه
حسيت بنشوووة وانتعاش ماحسيته من زمــــــــــــــــــــان
وجالسه أنا والبزران نراكض من الدكة للخيمة ومن الخيمة للدكة..لما خلاص ما عاد نقدر نمشي من المويه
هجد المطر شوي وصار ديـــمه(استمر رش خفيــف) مررررره ممتع
أتعب وأنا أقول شكل المزرعة أليــــــم
حتى التراب تحسينه منتعش ومبسوووط .. صاير لونه بني ناقع مو أشهب
رحت أتمشى أنا والبنات وقعدت أصـــــور
وهذي بعض الصور:

هذي لعيووونكم

وهذا قوس الرحمه .. قوس الرحمن .. قوس قزح

آآآآآآه والله شئ ع الطبيعة
لوحة ابداعية من صنع الخالق

.
.

فعلا.. الجوو يقلب ويتحكم في النفسية ..
الله لايحرمنا من رحمته ومن فضله

عســـى نفسيتي دووم هيك واياكم يارب

موضوع: رد: *** My spase *** السبت أبريل 04, 2009 4:39 am

أعجبتني جداً من كاتب يعجبني جداً

يقول: د. ستيفن كوفي

كنت في صباح يوم أحد الايام في قطار الأنفاق بمدينة نيويورك

وكان الركاب جالسين في سكينة،،، بعضهم يقرأ الصحف وبعضهم مستغرق بالتفكير

وآخرون في حالة استرخاء,,, كان الجو ساكناً مفعماً بالهدوء !!

فجأة ... صعد رجل بصحبة أطفاله

الذين سرعان ما ملأ ضجيجهم وهرجهم عربة القطار ...

جلس الرجل إلى جانبي وأغلق عينيه غافلاً عن الموقف كله ..

كان الأطفال يتبادلون الصياح ويتقاذفون بالأشياء ,,,

بل ويجذبون الصحف من الركاب وكان الأمر مثيراًً للإزعاج ..

ورغم ذلك استمر الرجل في جلسته إلى جواري

دون أن يحرك ساكناً ..!!؟؟

لم أكن أصدق أن يكون على هذا القدر من التبلد ..

والسماح لأبنائه بالركض هكذا دون أن يفعل شيئاً ..!؟

يقول (كوفي) بعد أن نفد صبره ..

التفت إلى الرجل قائلاً : .. إن أطفالك ياسيدي يسببون إزعاجا للكثير من الناس ..

وإني لأعجب إن لم تستطع أن تكبح جماحهم أكثر من ذلك ..!!؟
انك عديم الاحساس .

فتح الرجل عينيه ..

كما لو كان يعي الموقف للمرة الأولى وقال بلطف :

نعم إنك على حق ...يبدو انه

يتعين علي أن أفعل شيئاً إزاء هذا الأمر .. لقد قدمنا لتونا من المستشفى .....

حيث لفظت

والدتهم أنفاسها الأخيرة منذ ساعة واحدة .. إنني عاجز عن التفكير ..

وأظن أنهم لايدرون كيف

يواجهون الموقف أيضاًً ..!!

يقول ( كوفي ) .. تخيلوا شعوري آنئذ ؟؟

فجأة امتلأ قلبي بآلام الرجل وتدفقت مشاعر التعاطف والتراحم دون قيود ..

قلت له : هل ماتت زوجتك للتو؟

... أنني آسف .... هل يمكنني المساعدة ...؟؟

لـــــــــقد ... تغيـــــــــــــــــر كل شيء في لحـــــــــــــــــظة !!

انتهت القصة ... ولكن...

ما انتهت المشاعر المرتبطه بهالموقف في نفوسنا ...

نعم ...كم ظلمنا أنفسنا حين ظلمنا غيرنا ..

في الحكم السريع المبني على سوء فهم وبدون

حتى أن نبحث عن الأسباب اللي أدت إلى

تصرف غير متوقع من إنسان قريب أو بعيد في حياتنا ..

وسبحان الله .. يوم تنكشف الأسباب .. وتتضح الرؤية ..

نعرف أن الحكم الغيبي الغير عادل .. اللي

أصدرناه بلحظة غضب ,

كان مؤلم عالنفس .. ويتطلب منا شجاعة للاعتذار والعودة إلى الله

.. والتوبة عن سوء الظن ..

ايها الاعزاء

هذي القصة .. تذكرنا بحوادث كثيرة في حياتنا ..

كنا في أحيان ظالمين وفي أحيان مظلومين ..

ولكن المهم في الأمر .. إن مانتسرع في اصدار الأحكام عالغير .

ويوم نخطأ نعتذر ...

ويوم يقع علينا الظلم .. نغفر

وهذي اهي الشجاعة .. وحسن الخلق .. مع من حولنا من الناس .

يقول الإمام الشافعي رحمه الله:

سامح صديقك إن زلت به قدم.... فليس يسلم إنسان من الزلل

ويقول أيضاً :

لما عفوت ولم أحقد على أحد أرحت نفسي من هم العداوات

عشان كذا >>>التمس لاخيك المسلم سبعين عذر

موضوع: رد: *** My spase *** الأحد أبريل 05, 2009 1:43 am

..

لالالالالالاحظه
معليشششش مره تجننننن الصووره

والله النبته طالعه فننننننن

أشوى انه رقى لك و طلعك غصب
تستهبلين أجل او إيش بالضبببببط؟؟؟

يجنن ذا الويك إند حقيقه
بس و ش حيله اللي ضآيقن صدره

موضوع: رد: *** My spase *** الأحد أبريل 05, 2009 2:38 am

^
^

ياااعمري والله ذوقك اللي يجنن

بسم الله عليك

ليش ضايق صدرك
لايكون عشان اشغال الجامعة والا الاختبارات
ترة ماتستاااااااااااهل انك تمنعين نفسك من الوناسة
الله يوسع صدرك بالعافية ياخلفهم

عدد المساهمات : 171 تاريخ التسجيل : 18/03/2009

ويكـ اند خطير بصراحه .. اجــواء خياليه ..

يازين الجو .. والتسكع على شاطيء البحر ، والامطار تهطل ..

كان ناقصني الكاميرا بس

خيرهــا بغيرهــا ان شاء الله

^_^

موضوع: رد: *** My spase *** السبت أبريل 11, 2009 10:30 pm

امب

الله يديم هالزين

مع ان اليوم مررررره حر Sad

موضوع: رد: *** My spase *** الأحد أبريل 12, 2009 3:45 am

عارفه اني متأخره بس بعطيكم الموجز

يوم الاثنين

طلعنا انا وريمي متأخرين شوووي

قلت لها انا جوعااااااااانه وش رايك نمر ناخذ فطور؟

قالت .. اوكي بس نبي شئ صحي مثلا: زبادي

قلت : اوووووم المسكه اللي كذا ..

بس ياللا مثل ماتبين انا ماتفرق معي

>>خلصنا من هالكلام وقد تعديناااااااااا بيوتنا واحياءنا ..

فاضطرينا نروح للبقالات اللي حول الكليه

وددخلنا 3 بقالات وكلهم يقولون باقي يومين ثلاثه وينتهي

حامت كبودنا من هالزبادي وحنا مابعد شريناه

واقول لريمي كله منك انتي وهالشهوه

المهم اخر شئ خذنا 2 زبادي وجبن سايل وصامولي

وصلنا .. وسوينا لنا شاهي وجبنا الفطور

ومشتهيــــــــن هالزبادي .. ونرجـــــــــه رجاً مبرحا.. ونفتحه بحماس .. قسم بالله كننا نسوي دعاية.. ونلقاه بادي يحمض

** محسوباتكم اول مره يدرون ان الزبادي يجلس 10 ايام متوقعينه اقــــــــــل

انا ماقدرت اكمله وريمي قالت ع هالتعب والدوران والله لآكله كله

انا حطيت حيلي بالجبن والخبز مع التشبسات

[/center]

موضوع: رد: *** My spase *** الإثنين أبريل 13, 2009 8:54 am

اليوم جيت من الدوام .. ونمت

قومتني امي العصر ع أشين خبر

عبدالرحمن توفى

لاحول ولاقوة الا بالله .. انا لله وانا اليه راجعون

اللهم أجرنا في مصيبتنا واخلف لنا خيراً منها

عبدالرحمن زوج اختي**

اللهم اغفر له وارحمه .. وأسكنه فسيـــــح جناتكـ ياكريــم

يكفي...

يادنيا الم

يكفي...

آهات وحزن

يكفي...

سرقتي البسمه

يكفي...

نزعتي الرحمه

يكفي...يكفي...يكفي...

اخذتي اغلى ناسي

وجرحتي احساسي

يكفي...يكفي...يكفي

موضوع: رد: *** My spase *** الجمعة أبريل 17, 2009 10:05 am

وين الناس؟؟؟؟

مافيه صوت لأحد؟؟

راح اوقف لما اشوفكم

عدد المساهمات : 168 تاريخ التسجيل : 02/05/2009

ماشاءلله تبارك الله الله الله واللهي عال هذا الي كان ناقص الموهيم كيف الحال اجل طلعتي معيده !!!

أوخص عليكي وفرحانه مررره وانتي معيده مع اني أخبرك دافوره ليش أعدتي << هذي أخرة الأنتر نت << وش ابي انا ؟
مادري بس أحس أني وحشة نفي وحششششششششة أااااااااااااااااااااااد البحر وأكيد وحشتم بعد مووووو .

عدد المساهمات : 168 تاريخ التسجيل : 02/05/2009

لاحول ولا قوة الا بالله الله يرحمه ويصبر اختك عظم الله أجركم أعذريني واللهي توني أقرى الصفحة الأولى ورديت عليكي ماشفت هالمشاركة الا بعد ما رديت عليكي عالعموم لك منا خالص التعازي زتقبل الله المرحوووم برحمته وألهم أهله وذويه الصبر والسلوان .

موضوع: رد: *** My spase *** الأحد مايو 03, 2009 5:07 am

..

ههههههه
وربي عليكم مسكه !
أجل زبادي

وش تحسون فيه بسسسس
سلميلي ع ريمي

..

لا حول ولاقوى الا بالله
عنقوده مين هذا عبدالرحمن ؟؟

عظم الله أجرك و جمعكم به في جنات النعيم

أعذرينا والله
قسم بالله ان يومياتك خيال و يكفي أنك تكتبين و تنزلين و كل شئ
بس مافي تفاعل ما أدري وينهم ما يدخلون

لذلك أقولك من باب النصيحه و صرآحه مره متحسفه ع مجهودك
أشتركي في منتدى كبير و حلو كذا و نزليها
والله حسافه تروح كذا يختي

..

عدد المساهمات : 168 تاريخ التسجيل : 02/05/2009

وجووود وش الي تشترك وش تخطرفين انتي خليها تكمل انا عن نفسي ماجيت غير امس ووعد كل يوم اسير واشارك باليوميات الممتعه بس كدرة علينا بخبرية الوفاة رحمة الله عليه .

وجيده شو ها الأحباط الي انتي عايشه فيه تفائلي حبتين تونا نقول ياهادي << شكلي جيت بعد ماخلصت الحفلة ,

موضوع: رد: *** My spase *** الإثنين مايو 04, 2009 1:25 am

مغرور ... هلا فيك .. وين الناس خيوو؟؟

الله يسلمك هذي بلاوي النت ..شفت كيف؟

الله يجزاك خير ماقصرت ..

وجود

يمديك ع المسكه .. ماتسوى علينا قصمن..

الله يجزاك خير .. ماتفقدين غالي يارب..

لا والله مافيه امل انزله بمنتدى وسالفه مالي خلق ..

خليني بأشغالي بس Smile

من جد مالهم شوفه مدري وين الناس..

عدد المساهمات : 171 تاريخ التسجيل : 18/03/2009

لاحول ولاقوة الا بالله

انا لله وانا اليه راجعون

عظم الله اجركــم ورحم الله ميتكـــم ،، وجبر مصابكــم ..

اللهم اغفر له ولجميع المسلمين .

واسكنه في جنات النعيم .

موضوع: رد: *** My spase *** السبت مايو 09, 2009 8:12 am

^
^

آآمين يارب

الله يجزاك خير ..

مشكوور ياامب

عدد المساهمات : 20 تاريخ التسجيل : 05/04/2009

ما شاءالله
سبيس رووعة خيتوو عنقوده

الحمدالله على كل حال ولا خول ولا قوة الابالله
الله يرحم فقيدكم و يدخله فسيح جناته

استمري خيتوو بالابداع في هالاسبيس
تسلمين

*** My spase ***

* My spase *