احم احم عودنا ..
عاد بدون قلق ولا احد يقاطع ...
الموهيم وصلنا لكوريا وكان عندنا فكرة ان الجو بارد هناك يعني 4 تحت الصفر خخخ بس ماكان عندنا خبر انه تحت ال10 خخ
عاد وصلنا بتوقيتهم الساعه 5 العصر وصلنا وهو توه يأذن << بدينا الهك ..
ويالهوي ع الأجواء كانت خونفشارية ولا تصدق ايش ضباب على رذاذ خفيف مع لمات ثلجية يادوب تلامس البشرة بصراحه مع الخرعه كان ودي اخيم عند المطار واكشت فيه خخخ ....
طبعآ من اللحظة الي نزلنا فيها من الطيارة فبكل بساطة ودع الأنجليزي وابحل بلغتهم خخخ ..
وكل التعليمات بالمطار بالكوري والياباني وبين كل صاله وصاله قطار داخلي يعني انواع الصرمده المحترمة بس اعجيكم
وصلت للعفش واخذت الشناط ووصلنا للخروج من المطار الرائع ..
بعدها نزلنا مع سائق كنت مرتب مع ادارة الفندق يرسلونه لنا خخخ طبعآ ربعي شافو سواق وسيارة فخمة فكو قالو لنفسهم اكيد ابو عزوز عامل مفاجأة وبينزلنا بالهلتون خخخ مايدرون ان السيارة ماهي تابعة للفندق بس انا ركزت على الفندق يرسلنا سيارة فخمة علشان نريح ظهورنا بعد الجلسة بالطيارة ..
المطار يبعد عن العاصمة سؤول تقريبآ 120كلم وعلى فكرة تراني بالأرقام رايح فيها يعني لاتعتمدو على ارقامي لأن الذاكرة الله بالخير ,,
وصلنا للعاصمة وطبعآ انواع الدوخان ع التطور والعمارة وناطحات السحب بجد تحس نفسك قاعد بلعبة مش في بلد عادي .
عاد تعمقنا لين وصلنا لمركز المدينة وشوي بدينا ندخل بالحواري في منطقة عندهم لو اشبها عندنا ممكن اقول انها البطحاء بس ليت اقدر ارفع الصور علشان اراويكم بطحتهم كيف فخامتها ونظافتها ..
وصلنا الفند بعد مرمطة طياران وانتظار وسفر لمدة لاتقل عن 24 ساعة يعني الزبدة الشباب ميتين كل واحد اخذ سرير يبي ينام ..
بس انا فكوك طبعآ على طول اخذت شاور وطبيت عليهم وقلت يالله بينا بنبدء اول تمشية لنا الحين !!
طبعآ بعد عبط استمر لأكثر من ربع ساعه اقتنعوا واخدو شاور وتكشخنا وطلعنا ع رجولنا في البرد كانت الساعة تقريبآ 8 وشوي مساء وحنا طالعين ياغافلين لكم الله بدون تاكسي وبدون اي شي بس من راسي قلت للشباب خلونا نروح للصب واي ترى عادة يكون فيه ادشر خلق الله خصوصآ بالليل تكثر السرقات والقتل في اغلب دول العالم خصوصآ باوروبا واميركا وكندا ..
بعد لفلفه ربع ساعه بالحواري وصلنا لطريق رئيسي ةبحس الغريزة الربانية خخ الشارع كان نازل نزول فقلت انزل ياولد اولآ ماتتعب بالمشي هع شرايكم بذكائي يعني لو اي واحد بالدنيا كان طلع بس انا نزلت << احس اني فاضي صح خخخ ..
عاد المهم وجدنا درج ونزلنا منه ولقينا تحت الأرض دنيا ثانيه !!!
يالهوي تدرون ان اكبر شبكة قطارات صب واي بالعالم موجودة بكوريا !!
انا عن نفسي اول مرة اعرف كنت بصراحة ماني محترم هالبلد احسها فاشلة الا يوم نظمت كاس العالم بس التطور والأنتاج عندهم والنظام شيئ وبعد لفه مش بطاله على عدة قارات اقدر اقول انها من افضل 3 مدن بالعالم الأول خصوصآ بالأمور الي ذكرتها ..
عاد وحنا تحت طبعآ مشينا اكثر من ساعه ومحنا عارفين نشتري تذاكر القطار الي ماندري اي قطار نختار فيه اكثر من 11 خط وكل خط فيه قطارين ...
ومافي اي معلومه بالأنجليزي ولا ابن كلب يحكي انقلش والشعب نفسهم يخافون يحتكون بأي اشكال مختلفه عنهم يحسبون اننا مجرمين ولا حرامية وللا لأي سبب ماحد بيحكي معك ولا يرد عليك ..
عاد جربت حظي حطيت عملة بالجهاز وكل خيار يجيني اختار الي ع اليمين لين طلعت تذاكر خخخ بعدها رحنا وقفنا عند البوابة ننتظر القطار وركبنا القطار ..
طبعآ اجمل شي تكون رايح ماتدري وين رايح خخخ والألعن بعد ماتدري شلون بترجع !! والمصيبة الأكبر ماتعرف اسم منطقتك والموتيل اسمه مش معروف ابدآ !!
يعني سلم لي ع البتنقااان ..
بس عاد الحين انشغلت اشوفكم على خير قريبآ ..
برهوووم اوحشتن ياوحش ..
امبو كيف البترول معاك صرت تاجر ولا ؟؟
اما الباقيين ادري ان شاءلله كل وحده فيهم تزوجت واعتزلت والله يوفقهن بس عاد ها عن اللقافه ترى هذا موزوع رجالي مع ان مافي غير عضوين خخخ بس مشي حالكم ..
يلا عاد بلا قرقره انا ماشي والله لاتحلفون ماقدر اطووول باااااااي ...