سفرة العمر بجد رووعة

اول شي كل عام وانتو بخير وسنه جديده بأذن الله تكون سعيدة للجميع ...

طبعآ عارف اني قاعد اكلم نفسي والموضوع مال اومه داعي لأن ماحد بيشوفه خصوصآ ان كل اعضاء المنتدى مايتعدون

14 عضو بمافيهم انا !!

لا والبلا بعد ان ال 14 عضو كلهم قليلين خاتمة وقطوعين سوري اقصد ال13 لأني الوحيد الي متواصل وماتغير رغم

متغيرات الحياة الي ماعتقد فيه احد حصل لحياته تغيير بنفس القدر الي حصل لي ..

عمومآ كل الأسباب الي ذكرتها شجعتني اكتب وافض فض لنفسي وذالك لعدم وجود جماهير خخخ ..

الحمدلله للتو وصلت لأرض الوطن قادمآ من رحلة مميزة جدآ لاتحصل بالعمر الا مرة واحده مدتها 35 يوم راح اسرد تفاصيلها

حبه حبه ,,,

طبعآ ادري المفترض انزل هذا الموضوع بمنتدى المسافرون العرب للأفادة والتفاعل خصوصآ نمط هذا النوع من الرحلات

قلما نشاهد تقارير مشابهه عنه ..

بس قلت ابي اقرقر باسلوبي واخذ راحتي فجيت هنا ولعل وعسى اقدر افيد احكم في حال وجود احد !!

مادري اشفيكم طسيتو كذا مرة واحده !!

عمومآ راح ابدء بداية بسبب نشأة الفكرة للسفر وشو هي الفكرة اصلآ ؟؟؟

االفكرة بدءت من تقريبآ 8 أشهر كنا كاشتين في البر طلعة شبابية عاد هذي الكشته صارت بعد فترة طويلة من القطعه

بيننا تعرفون الدنيا اشغلت كل واحد فينا باتجاه عاد مع الحماس والأكل خخخ طرت في بالي هيك فجأه ان العمر مشي

والشباب ممكن يعدي وفيه تجربة نفسي اعملها وهي السفر مع مجموعة انتقيها بكل عناية من الشباب بسفرة فيها

مغامرة كبيرة نشبع فيها روح الشباب وروح المخاطرة والمغامرة عندنا ويعني الواحد بعد مايرجع يرجع للعائلة ويقفل ملف ا
لسفرات الشبابية تمامآ >> لأني بصراحه اخاف الشي يكون ماسك براسي وبعدها لما اصير شايب انهبل وتجيني صرعة

ولا مراهقة ال 50 زي ماشوف كثيرين الله لايبلانا ..

عاد طرحت الفوكيرة على 2 من اخواني وولد عمي سبب اختياري بناء على تشابه الأمكانيات والظروف الأجتماعية

والأخلاق خخخ >> تعرفون انا قمة موقممة بالأخلاق وماقدر اسافر الا مع ناس مثلي


عاد تناقشنا وكل يقترح دولة ونمط للسفرة في البداية اتفقنا على مقترحين ..

1- امريكا - المكسيك يعني نلف جميع الولايات الأمريكية من الشرق للغرب باي وسيلة تنقل متاحه ان شالله مشي خخخ

طبعآ المكسيك عارفين انواع الأجرام والهلوسه وبرضو بالمكسيك نلف كل او اغلب مدنها وقراها ونرجع لنقطة الأنطلاق

بامريكا ونعود للديار بعد 35 الا 40 يوم مدة الرحلة ..

2- اوروبا الشرقية طبعآ نفر ابوها كلها من البوسنة والهرسك مرورآ ببلغاريا وصولا لجورجيا ذهابآ لروسيا وولايات روسية ثم

العودة مجددآ لأرض الوطن ومدة الرحلة نفس الأوله ..

عاد اهم شروط الرحلة كان ..

عدم الحجز بأي فندق وترتيب اي شي باستثناء حجز الذهاب والعودة طيران وحجز اول واخر ليلة فقط بفندق وذالك لأخذ

انفاسنا قبل الأنطلاق وقبل العودة تعرفون نتنظف خخخ قبل نعود لربعنا ..

عدم الأنتظار بأي مدينة او ولاية لمدة تزيد عن 4 ايام مهما كانت المغريات فيها ...

رمي شخصيتنا وكاريزما الخاصة بكل واحد فينا هنا ونروح نكتشف اشياء يمكن تكون ماكتشفت في نفوسنا ..

عدم الوقوع بأي خطأ اوذنب يترتب عليه ظلم شخص اخر بيننا وبين الله سبحانه .. يعني مثلآ خيانة او كذب او سرقة اي

شي يكون فيه طرف ثاني مرفوض .. والله سبحانه غفور رحيم طالما الخطأ بينه وبين عبده بس لايدخل بالحق طرف ثالث

تخرب السالفه خخ ..

اخيرآ وليس اخرآ رفع درجة السرية وعمل صندوق اسود يوضع به اسرار الرحلة وقفلة ورمي المفتاح خخ يعني مهما حصل

ماراح احد غيرنا يعرف فيه ... >> طيب وانت يالملقوف وش قاعد تعمل الحين انا راح احكيلكم الأمور الي كات خارج

الصندوق الأسود فهمتو بس عاد بالجزء الي بعدو بقول شو اي الخطين اخترنا وليه ..

عدنا تعرفون احلى شي اني قاعد اهذر مع نفسي خخخ انواع الشخبطه ....

المهم عاد اتفقنا على الخيار الأول امريكا والمكسيك والشباب سلموني مسؤلية الأستفسارات والقرارات وتجميع

المعلومات وكل شي ...

عاد انا بعد بحث عميق عن البلدين بتلك الفترة ومن خلال علاقات مع مجموعة من الأمريكين عن طريق العمل وصلت

لقناعة ان امريكا رائعة لكن حكومتهم حاطتنا من ضمن 14 جنسية منزوعين الكرامة !!

يعني السعوديين من ضمن الي يقدرون باشتباه بدون اشتباه يلعبون بخامس خامسهم بالمطار التوقيف اي شي يعني

باختصار مالنا ديه هناك صحيح ان ابي اغامر واخاطر بس مابي ارجع بدون كرامه !!!

عاد قلت للشباب انسو امريكا وخلوني ادور وابحث عن خيار افضل عاد قالو انت راعي الفكرة وزبط كل شي وحنا وراك ..

خلوني اعطيكم نبذة عن الشباب ..

1/ ابو محمد مسؤول احد الأدارات في احد البنوك المحلية عمره 34 قدي تمامآ بيننا شهرين فقط انا اكبر خخ .

2/ شاهر اخوي وحبيب ألبي الكلب ماقدر يجي معنا لأن كان توه ماله اسبوع راجع من لفة اوروبية مع زوجته رغم انه قبل 8
اشهر عند بداية الفكرة كان معنا بس قليل الأدب يقول ماتوقعتكم تعملونها خخخ ..

3/ فؤاد والملقب بفوفو اخوي وحبيبي وتؤم روحي ودايم اللطشه خخخ ويعمل معاي وتحت ادارتي خخخ وكل يوم انواع

الكفوف بالعمل وفي البيت يتميز هذا المخلوق على حبه للمغامرة وماشاءلله عليه ياكل اي شي ويحب المغامرة

والمخاطره بس برضو مش مثلي بس يعتبر ولد ممتع .. العمر 26 عزوبي

4/ ان عبدالرحمن الملقب بكونان خخخ اعشق المخاطرة والمغامرة وماعندي خط احمر وامنية حياتي كانت اني اقدر

بهذي السفرة ارمي نفسي من طيارة بمظلة شعوور نفسي اعيشه وطبعآ اكل اي شي خخخ ماعادا المأكولات البحرية

مش دلع بس لأن بالفعل جسمي لايتقبل اي شيء ينتمي للبحر ولا اطيق ريحته رغم اني احب اعووم فيه ... العمر

طبعآ كلكم عارفين 21 سنه واهبل خخخ الا شايب 34 سنه واقشر واهبل ...

عاد المهم بيوم من الأيام كنت راجع للبيت من بيت الأهل على وش الفجر انا وعيالي فتحت التلفزيون كان فيه برنامج في mbc
اسمه top gear كان فيه الشياب المهابيل ال3 بتجربة بفيتنام وكان التحدي انهم يقطعون فيتنام من شمالها لجنوبها

على دبابات خايسه خخخ عاد الفكرة عجبتني والطبيعة كانت خورافيه والتواصل صعب مع الشعب لعدم المامهم باللغه الأنجليزيه يعني كل شي 100% وبعد جنبها دوله اثرية قديمه اسمها كمبوديا فيها معابد تعود لاكثر من الاف السنين

استمر بارك الله فيك